HEROLIND SHALA
Shala: Do ta shpërblejmë besimin tuaj
26 March, 2017 @17:50
Mesfushori i Kosovës, Herolind Shala, që ka luajtur për 90 minuta në ndeshjen e fundit ndaj Islandës dhe ka dhënë asistin për golin e shpresës të shënuar nga Atdhe Nuhiu, ka thënë se Kosova do t’i shpërblejë ata që besojnë te ky ekip.
“Nuk ia dolëm në fund, por do të vazhdojmë rrugën e nisur. Do t’ju bëjmë krenar, do ta shpërblejmë besimin tuaj me një kampionat europian apo botëror, së shpejti. Ju falemnderit për mbështetjen dhe na falni për zhgënjimin,” ka shkruar ndër të tjera Shala në postimin e tij në Facebook.
Kosova ndeshjen e radhës kualifikuese e zhvillon ndaj Turqisë, si vendas në Shkodër, më 11 qershor 2017.
