Shaqiri në finale

Bayern Munchen ka arritur të shënojë fitore ndaj Sao Paulos sonte në ndeshjen e vlefshme për Audi Cup 2013. Pas humbjes përulëse ndaj Borussia Dortmundit në Superkupën gjermane, bavarezët e Pep Guardiolas, i janë kthyer fitores me golat e shënuara në pjesë të dytë nga Mario Mandzukic dhe Mitchell Weiser. 

Kosovari Xherdan Shaqiri është futur në lojë nga minuta e 65-të e ndeshjes, duke u dalluar me karakteristikat e tij të zakonshme në lojë, e duke kontribuuar direkt në gol pasi që shuti i tij qëlloi shtyllën e Weiser pastaj shënoi. 

Me këtë fitore Bayern ka dalë në finale të këtij turneu që mbahet në Mynhen, ku do të takohet me Manchester Cityn që disa orë më parë shokoi Milanin. Sao Paulo dhe Milan do të takohen në ndeshjen e vlefshme për vendin e tretë të këtij turneu.