PEJË
Sheqerolli vendos, nënkampioni fiton
22 August, 2015 @19:00
Një gol i vetëm i shënuar nga Donart Sheqerolli ka qenë i mjaftueshëm për ekipin e Arbnor Morinës që të nis stinorin me fitore sot në Pejë, në përballje ndaj Hajvalisë.
Edhepse me mungesa, Besa, nuk e ka pasur problem të krijojë dhe të dominojë ndaj Hajvalisë sot në Shahin Haxhiislami, që në fund u kurorëzua me golin e Sheqerollit.
Mark Milicaj dhe Kastriot Rexha shpërdoruan raste në pjesë të parë, ndërsa Besa luajti pa lojtarë si Qëndrim Dautaj e Fetim Kasapi, të lënduar e suspenduar.
Me këtë gol, nënkampioni nis stinorin me fitore, derisa Hajvalia duhet të kërkojë trepikëshin në ndeshjet e radhës.
