Shkëmbi pranon se Ballkani kishte presion në ndeshje

Skuadra e Ballkanit arriti një fitore shumë të rëndësishme në udhëtim te stadiumi “Riza Lushta” të Mitrovicës, pasi e mposhti skuadrën e Trepçës ‘89 me rezultat 0-2.

Kjo fitore skuadrën suharekase e ngriti në pozitën e parë në tabelë, me pikë të barabarta me lideren e deritashme, Dritën.

RAPORTI I NDESHJES

Pas ndeshjes, trajneri i Ballkanit, Bledi Shkëmbi, pranoi se ekipi kishte presion për shkak se Drita humbi pikë këtë javë dhe si rrjedhojë fitorja kishte rëndësi më të veçantë për t’u ngritur në tabelë.

“Në presion jemi dhe do të jemi në çdo ndeshje. Në futboll kur duhet të fitosh je në presion në çdo moment. Ndoshta nuk kishim asnjë rast deri në momentin e golit, por djemtë bënë një lojë të mirë kundër një kundërshtari shumë të vështirë. Morëm 3 pikë dhe unë jam i kënaqur për atë që bëmë në fushë”, tha Shkëmbi.

Fitorja e Ballkanit u arrit me golat e shënuar nga Mirlind Daku dhe Arbër Hoxha.