Shkëndija kalon në rrethin e tretë

Skuadra e Shkëndijës së Tetovës ka arritur që të eliminojë edhe kundërshtarin e rrethit të dytë në Europa Ligë, për të arritur në rrethin e tretë kualifikues.

Tetovarët kanë barazuar sonte me HJK Helsinkin në kryqytetin finlandez, 1-1, për të shkuar tutje, pasi që në ndeshjen e parë të zhvilluar në Strumicë të IRJ Maqedonisë kishin mposhtur kundërshtarin 3-1 përmes hat-trickut të Besart Ibraimit.

Sonte edhe pse finlandezët avancuan heret dhe ishin një gol afër kualifikimit, gjithçka rehatoi mbrojtësi kroat i Shkëndijës, Ivan Celikovic, që me golin e tij 20 minuta para fundit rregulloi gjërat dhe Shkëndija e Qatip Osmanit shkoi tutje.

Shkëndija në rrethin e tretë të kualifikimeve për Europa Ligë luan ndaj Trakait, që eliminoi Norrkopingun, sot pas penalltive.