PARA NDESHJES: SHKUPI - RANGERS
BOROZANI/ D. S.
Shkupi gati ‘për luftë’ ndaj Gerrardit dhe Rangersit
16 July, 2018 @13:30
Skuadra e drejtuar nga trajneri që u bë kampion në Kosovës me Trepçën’89, Shkupi, është tërëisht gati për të pritur kampionin e shumëfishtë të Skocisë, Glasgow Rangers.
Shkupi pret nesër Rangersin në ndeshjen e kthimit të fazës së parë kualifikuese të Europa Ligës, në stadiumin Filipi II në Shkup.
“Nuk kemi shumë kohë për të diskutuar se çka ndodhi në ndeshjen e parë. Jemi bërë gati, jemi këndellur nga ndeshja e parë dhe kemi analizuar kundërshtarin për ndeshjen e radhës,” ka thënë Zekirija Ramadani, trajner i Shkupit.
Shkupi u mposht 2-0 në përballjen ndaj Rangersit të zhvilluar javën e kaluar në Skoci. Ekipi i Ramadanit, ku luan edhe reprezentuesi i të rinjve të Kosovës, Rron Broja, do të tentojë të bëj befasi duke shkrirë avantazhin e skocezëve, që drejtohen nga trajneri, i njohur si lojtar legjendar i Liverpoolit, Steven Gerrard.
Termini i ndeshjes:
| 17 korrik 2018 | Shkupi - Glasgow Rangers | Ora: 17:55 | Stadiumi: Filipi II, Shkup. |
