Shpërthen Curry, gjysma e punës mbaroi

Golden State Warriors nuk ka bërë edhe njëherë gabimin e ndeshjes së parë, përkundër se e fitoi edhe atë.

Qetë, me lojë të organizuar dhe me pikë që vinin nga çdo anë, kanë shënuar fitoren e dytë të serisë finale të NBA-së rehatshëm, duke e kryer gjysmën e punës drejt titullit kampion të radhës.

Çereku i dytë dhe ai i fundit ka qenë që ka bërë dallimin te Warriors, ndërsa Stephen Curry shënoi nëntë treshe radhazi për të shënuar rekordin me 85 të shënuara në finale.

PLAYOFF SKEMA

Curry përfundoi ndeshjen me 33 pikë të shënuara, 7 kërcime e 8 asistime. Kevin Durant dha 26 pikë, 9 kërcime e 7 asisitime, ndërsa 20 pikë të tjera shtoi Klay Thompson, që kaloi testin e fundit para ndeshjes dhe luajti lojën.

LeBron James në anën tjetër me një kërcim shtesë në ndeshje do të bënte triple-double. Kreu duelin e dytë final me 29 pikë, 13 asistime dhe 9 kërcime.

Kevin Love shënoi 22 pikë e 10 kërcime, por ishte nën mesataren e tij për tre pikë, duke shënuar vetëm 3 prej 8 të tentuarave. 15 pikë të tjera shtoi George Hill.

Warriors shfrytëzoi maksimalisht terrenin e vetë dhe çoi epërsinë, pritshëm, në 2-0. Seria tash bartet në Cleveland, ku ndeshja e radhës luhet më 7 qershor në ora 3 të mëngjesit. Ndërsa e katërta njejtë në Cleveland, më 9 qershor në ora 3 të mëngjesit, gjithashtu.