CROTONE-LAZIO
Shpëtim senzacional i Crotones
28 May, 2017 @23:15
Me fitoren e sontme ndaj Lazios 3-1, në Ezio Scida, Crotone në vitin e parë të paraqitjes në Serie A, ka arritur të sigurojë mbijetesën mrekullisht.
Crotone kishte fituar vetëm 2 pikë në 10 xhirot e para të këtij stinori. Në fund të muajit të kaluar kanë qenë 8 pikë larg zonës së shpëtimit. Ndërsa në 9 ndeshjet e fundit kanë arritur që të shënojnë 6 fitore dhe 2 barazime për të siguruar edhe për një stinor Serie A-në.
Andrea Nalini me 2 gola dhe Diego Falcinelli me një tjetër, kanë shënuar golat e fitores për Crotonen ndaj Lazios.
Sa për informatë shtesë, Falcinelli, është lojtari i vetëm i Crotones që ka shënuar më shumë se 4 gola këtë stinor për ekipin në fjalë.
Shpëtimi i Crotones me fitore ndaj Lazios, bëri që Empoli të bie në Serie B, pas humbjes nga të rënët tjetër, Palermo.
