Shqipëria mund të kualifikohet në EURO

Në konferencën për shtyp para ndeshjes me Shqipërinë, trajneri i trekolorëve, Didier Deschamps, ka thënë se Shqipëria mund t’ia dalë për EURO 2016. 

“Luajmë ndaj një ekipi të mirë. Këtë e kuptuam në ndeshjen e nëntorit që e zhvilluam në Francë. Shqipëria mund t’ia dalë realisht të kualifikohet për europianin e ardhshëm,” ka thënë ai sot për mediat shqiptare të pranishme aty. 

Deschamps ka përmendur gjithashtu fitoren e madhe të Shqipërisë në Portugali, që e ka cilësuar si injekcion për motivim për ndeshjet e radhës të kuqezinjëve. 

Ndërsa kur u pyet nga një gazetar për dobësitë e ekipit të tij para ndeshjes me Shqipërinë nesër, ish lojtari i Juventusit ka thënë: 

“Për këtë pyesni trajnerin tuaj, Gianni De Biasi.”