PRISHTINA - RAHOVECI
Sigal Prishtina kërcen në katërshe
12 November, 2016 @20:10
Kampionja e Kosovës në basketboll, Sigal Prishtina, pas startit të dobët në Superligë, ka arritur të shënojë fitoren e katërt sot ndaj Rahovecit dhe ka dalë në katërshen kryesore të Superligës, duke tubuar 10 pikë, me bilanc 4-2.
Sigal Prishtina ka dominuar gjatë gjithë takimit dhe nuk ka pasur fare problem për të arritur te fitorja, ndërsa dallimi në lojë është bërë gjatë fillimit të pjesës së parë (çereku i parë) dhe fillimit të pjesës së dytë (çereku i tretë), kur bardhekaltërit krijuan avantazh të madh.
5 basketbollistë të Sigal Prishtinës shënuan sonte pikë dyshifrore, ndërsa më efikasi ka qenë Marcel Jones me 23 pikë të shënuara. Jones përfundoi takimin me double-double, ku regjistroi edhe 10 kërcime.
Njejtë (double-double) regjistroi edhe M J Rhett i cili shënoi 11 pikë e 11 kërcime.
Te Rahoveci më të dalluarit sonte kanë qenë Mustafë Merovci me 21 pikë të shënuara dhe Albatrit Berisha me 14 sosh.
Derisa Prishtina tashmë ka përmirësuar bilancin në 4-2, Rahoveci që nuk kishte sot në dispozicion të huajin Cameron Solomon, ka bilanc të kundërt 2-4.
Sigal Prishtina
| 1 | Marcel Jones 22:57 | 23 pikë | 10 kërcime | 3 asistime |
| 2 | Jabarie Hinds 25:51 | 19 pikë | 6 kërcime | 4 asistime |
| 3 | Drilon Hajrizi 22:41 | 19 pikë | 7 kërcime | 2 topa të vjedhur |
| 4 | Fisnik Rugova 29:42 | 16 pikë | 9 kërcime | 2 bllokada |
| 5 | Malcolm Rhett 27:19 | 11 pikë | 11 kërcime | 5 asistime |
| 6 | Louis Darby 17:20 | 8 pikë | 4 kërcime | 1 bllokadë |
| 7 | Granit Rugova 25:10 | 5 pikë | 2 topa të vjedhur | 1 kërcim |
| 8 | Etnik Peci 9:30 | 3 pikë | 1 kërcim | - |
| 9 | Rinor Peci 19:25 | 0 pikë | 2 kërcime | 1 asistim |
| 10 | Andrew Lawrence | - | - | - |
Rahoveci
| 1 | Mustafë Merovci 25:47 | 21 pikë | 3 kërcime | 1 top të vjedhur |
| 2 | Albatrit Berisha 30:32 | 14 pikë | 4 kërcime | 2 asistime |
| 3 | Muhamed Hasani 35:26 | 13 pikë | 5 asistime | 3 kërcime |
| 4 | Besnik Sharku 18:24 | 12 pikë | 6 kërcime | 2 bllokada |
| 5 | Artin Gashi 22:38 | 8 pikë | 2 kërcime | 1 asistim |
| 6 | Valon Bunjaku 26:42 | 6 pikë | 5 kërcime | 5 asistime |
| 7 | Driton Bajrami 20:00 | 5 pikë | 5 kërcime | 1 asistim |
| 8 | Arion Balluku 20:27 | 0 pikë | 8 kërcime | 5 asistime |
| 9 | Alban Latifaj | - | - | - |
| 10 | Ylli Gashi | - | - | - |
| 11 | Albion Metballa | - | - | - |
| 12 | Ardit Beqiri | - | - | - |
