ERGYS KAÇE
Skënderbeu tenton lojtarin e kombëtares
25 December, 2016 @10:46
Rezultatet jo të mira të Skënderbeut së fundi në Kategorinë Superiore kanë bërë që drejtuesit e ekipit kampion të Shqipërisë të tentojnë një goditje të madhe në miniafatin kalimtar të janarit.
Ata po kërkojnë të rikthejnë në vendlindje korçarin Ergys Kaçe që nuk po kalon kohëra të mira në ekipin e tij. Panorama Sport njofton se bardhekuqtë nga Korça kanë kërkuar oferta nga ekipi i PAOK-ut për të huazuar Kaçen për 6 muajt e ardhshëm.
Ardhja e Kaçes do të mbulonte mungesën e të pensionuarit Bledi Shkëmbi, pa të cilin Skënderbeu s’po gjen qetësinë në lojë.
