SKËNDERBEU - TIRANA
Skënderbeu vazhdon luftën, Tirana rrezikon rënien
15 May, 2017 @20:49
Një gol i veteranit Hamdi Salihi nga pika e bardhë një minutën e 84’ të takimit i ka mjaftuar Skënderbeut që ta mposht Tiranën në ndeshjen kryesore të xhiros XXXIV në Kategorinë Superiore të Shqipërisë.
Kjo fitore e mban në luftë për titull Skënderbeun, që tashmë ka vetëm 1 pikë më pak se Kukësi lider kur kanë mbetur edhe 2 xhiro deri në fund të kampionatit. Sipas të gjitha gjasave, gjithçka do të vendoset xhiron e ardhshme në duelin direkt mes skuadrave, duel në të cilin Kukësi dhe Skënderbeu do të ndeshen në qytetin verior të Shqipërisë.
TABELA AKTUALE KATEGORIA SUPERIORE
Në anën tjetër, kjo humbje e lë Tiranën në vendin e parafundit, vend i cili bën që ky klub ta rrezikojë dukshëm rënien nga kategoria.
