Skënderbeun vazhdon ta përcjellë fati

Skuadrën e Skënderbeut po vazhdon ta përcjellë fati i mirë në rrugëtimin e saj në Ligën e Kampionëve.

Pas shortit të favorshëm në rrethin e dytë, që u dëshmua me fitore në ndeshjen e parë me rezultat 4-1 ndaj Crusaders, korçarët kanë mësuar edhe kundërshtarin e tyre të mundshëm në rrethin e tretë, gjithmonë nëse arrijnë kualifikimin në këtë rreth.

Megjithëse nga kundërshtarët e mundshëm kishte edhe kandidatë të fortë siç janë Baseli, Steaua Bukureshti dhe Celtic, Skënderbeu tërhoqi short me fat duke iu shmangur këtyre skuadrave.

Ekipi i Mirel Josës, i cili me një këmbë është në rrethin e tretë, pritet ta ketë për kundërshtarë fituesin e përballjes ndërmjet skuadrës bullgare, Ludogorets, me ate të Moldavisë, Milsami Orhei.

Ndeshjen e parë e kishin fituar moldavët me rezultat minimal 1-0, në fushën mysafire.