Skuadra e Bytyqit konfirmon ftesën e Bunjakit

Sinan Bytyqi është njëri prej futbollistëve të ftuar në përfaqësuesen e Kosovës për dy ndeshjet e radhës që do të luhen më 6 dhe 9 tetor kundër Kroacisë, përkatësisht Ukrainës.

Ftesën për Bytyqin e ka konfirmuar skuadra e tij, Go Ahead Eagles, me anë të një njoftimi nga faqja zyrtare e klubit.

Bytyqi ka pasur paraqitje të mirë te skuadra e tij në ndeshjen e fundit, duke u përfshirë edhe në 11-shen më të mirë të javës në kampionatin holandez.

Ai ka qenë i ftuar nga përzgjedhësi Albert Bunjaki edhe në ndeshjen e fundit kundër Finlandës, megjithëse nuk i’u dha rasti për të luajtur nga ky i fundit.