LLAPI-BESA
Rikthim i madh i Llapit
29 September, 2016 @16:32
Disavantazhi i hershëm prej dy golave, nuk i ka penguar skuadrës së Llapit që t’i merr tre pikë nga përballja me Besën.
Ekipi Tahir Batatinës ka arritur të rikthehet në lojë në pjesën e dytë, duke shënuar fitore me rezultat 3-2.
Besa e filloi takimin furishëm, duke shënuar dy herë në pesë minutat e para me anë të Qemail Elshanit.
Golat e Elshanit ishin të vetmit në pjesën e parë, ndërsa në pjesën e dytë gjithçka ndryshoi.
Së pari Florim Bërbatovci e zvogëloi disavantazhin, kurse Bujar Idrizi shënoi për ta barazuar rezultatin në minutën 57’.
Fitorja e madhe u sigurua me golin e dhjetëshit të Llapit, Edon Zeqirit, i cili shënoi me një goditje të fortë nga afërsia, pas asistimit të bukur nga Fuat Karabegu.
Kjo fitore e ka ngritur Llapin në pozitën e tretë me 15 pikë, ndërsa menjëherë pas tij renditet Besa që ka tre pikë më pak.
