TREPÇA '89
Trepça ‘89 aranzhon miqësore me Skënderbeun
29 September, 2016 @14:39
Skuadra e Trepçës ‘89 në javën e ardhshme do të zhvillojë ndeshje miqësore me kampionin e Shqipërisë, Skënderbeun.
Njoftimin e ka dhënë faqja zyrtare e klubit në Facebook, ku thuhet se përveç miqësores me Skënderbeun, futbollistët do të udhëtojnë në Shkodër edhe për ta parë ndeshjen Kosovë-Kroaci, duke shfrytëzuar pushimin një javor në Superligë.
“Klubi i futbollit KF Trepça’89 FC nga Mitrovica udhëton në Shqipëri pas ndërprerjes së kampionatit në Superligën e Kosovës. Për shkak të pauzës së madhe të kampionatit deri në xhiron e radhës, kryesia e klubit Trepça’89 ka vendosur që komplet ekipi me futbillistët të udhëtojnë në Shkodër më 06.10.2016 për të përcjellur nga afër ndeshjen historike Kosovë-Kroaci. Ky shpërblim vjen nga kryesia e klubit pas një seri rezultatesh pozitive të futbillistëve. Përveç aspektit rekreativ për futbollistë klubi ka organizuar edhe një ndeshje miqësore më 07.10.2016 në Korçë kundër KF Skënderbeut. Ky takim ka të bëjë me vazhdimin e bashkëpunimit në mes të klubeve,” thuhet në njoftim.
