NBA
Spektakli në NBA fillon sonte
22 October, 2019 @10:26
Liga më e fortë e basketbollit në botë, NBA, do të filojë më 23 tetor pas mesnate.
Ndeshja hapëse e stinorit 2019/20 do të jetë ndërmjet kampionit aktual Toronto Raptors dhe New Orleans Pelicans në ora 02:00 pas mesnate, ndërsa në ora 04:30 do të luhet derbi i Los Angelesit, Clippers-Lakers.
Gjatë afatit kalimtar në NBA, janë bërë shumë ndryshime.
Transferimi më i përfolur ishte kalimi i Anthony Davis në Los Angles Lakers. Davis së bashku me super yllin LeBron James dhe me transferime si Danny Green, Dwight Howard e DeMarcus Cousins, pritet që t’i bëjnë Lakersat kandidatë për titull.
Gjithashtu edhe skuadra e dytë nga Los Angelesi, Clippers, i shtoi në skuadër yjet Kawhi Leonard e Paul George, derisa Russell Westbrook kaloi te Houston Rockets, ndërkohë Kevin Durant e Kyrie Irving kaluan në Brooklyn Nets.
Sivjet do të luhet stinori i 74 në NBA. Gjatë këtyre viteve më së shumti tituj ka skuadra e Boston Celtics me 17, kurse Los Angeles Lakers 16, ndërsa Chicago Bulls e Golden State Warriors kanë nga 6.
