S’shkon Fergie

Përkundër spekulimeve se me marrjen e titullit të 13-të të Premier Leaugue-së këtë stinor, plaku Sir Alex Ferguson, do të mund të linte klubin e kuq të Manchesterit pas gati 2 dekadave, sipas tij kjo nuk do të ndodh ende.

Duke biseduar me kanalin sportiv të Abu Dhabit, Ferguson u ka hedh një tush të ftohtë spekulimeve për Josep Guardiolën, Jose Mourinhon e David Moyesin si pasardhës të tij te djajtë e kuq.

“Shpresoj të rri ende. Nuk ka ndonjë agjendë tjetër, ju siguroj për këtë. Guardiola, Mourinho, Moyes janë të suksesshëm, ka edhe të tjerë - por a do të mund të presin ata edhe së paku 2-3 vjet,” ka thënë Ferguson ndër të tjera, duke bërë të ditur në një mënyrë edhe planin e tij për qëndrim te Manchesteri.

“Ndoshta ndonjëri prej tyre mund të vijë këtu, pas 2-3 viteve,” është cituar të ketë thënë Fergie për kanalin sportiv të lartëpërmendur.