Me këmbë të mbarë në 2013

Viti 2012 ishte viti më i suksesshëm në karrierën e futbollistit Besart Berisha. Mirëpo edhe pas përfundimit të këtij viti, sulmuesi kosovar po vazhdon të shkëlqejë me skuadrën e tij nga Australia, Brisbane Roar.

Ndeshja e parë e vitit 2013 kaloi siç është më së miri për Berishën. Sulmuesi 27 vjeçar kontriboi në fitoren e skuadrës së tij me një gol dhe një asist, derisa ndeshja kundër skuadrës Wellington Phoenix përfundoi me rezultat 2-1.

Ky ishte goli i gjashtë i Berishës në këtë stinor, ndërsa skuadra e tij gjendet në pozitën e gjashtë me 17 pikë të tubuara pas 14 javësh.