Dzeko kthjellë kampionin

Pasi Roberto Mancini e pa se pa të nuk ka - vendosi për ‘te. është fjala për sulmuesin boshnjak Edin Dzeko i cili pasi që e shpëtoi shumë herë trajnerin e tij Mancini në këtë stinor, kërkoi që të paraqitet në formacion bazë, e jo si deri më tani, sulmues xhoker. 

Kjo po i shpagohet kampionit Manchester City, pasi që edhe Dzeko po shënon, por edhe City po fiton. Fitorja e sotshme prej 3-0 ndaj Stoke Cityt të papërshtatshëm ka vë në binarë ekipin e kaltër nga Manchesteri i cili tash e tutje vetëm pret gabimet e mundshme të djajve të kuq. 

Dzeko ka shënuar golin e nëntë sot, duke kaluar Agueron e Tevezin të cilët kanë luajtur me qindra minuta më shumë se ai këtë stinor dhe kanë tundur më pak rrjetat se boshnjaku.

REZULTATI: 

Man. City - Stoke 3-0 (Zabaleta 43, Dzeko 56, Aguero 74)