Citatet e vitit nga italianët

Ndër deklaratat më interesante nga protagonistët e Serie A-së dhe të italianëve që veprojnë jashtë vendit, kemi veçuar: 

“Francesco Totti është eksponenti më i madh i botës romake. Veni, Vidi, Totti,” ka thënë Vincenzo Montella, ish bashkëlojtar i Tottit ndërsa tash trajner i Fiorentinës. 

“Mario Balotelli kushton sa Mona Lisa,” ka thënë në një moment agjenti i tij, Mino Raiola. 

“I kam thënë Balotellit se po të kishte luajtur futboll në kohën time, dhjetë vite më parë, do ta kisha goditur në kokë për çdo ditë. Nuk flas me te çdo ditë, përndryshe do të isha vizitor i rregullt i psikologut,” Roberto Mancini duke tentuar t’i ndihmojë në qetësim të Marios problematik. 

“Kur gjërat shkojnë gabimisht, atëherë e kupton se diçka ke bërë gabimisht,” Zdenek Zeman, trajner i Romës. 

“Para se të vija këtu, kur nuk kam parë që postieri të përkulet para derës sime dhe të mi puth këmbët,” Miroslav Klose, pas pranimit të një porosie nga posta romake. 

“Juve po flet për atë se çka ka ndodhur në fushë, në fushë dhe në fushë - e Interi i ka fituar pikërisht në fushë,” Andrea Stramaccioni, pas fitores ndaj Juventusit. 

“I kam bërë 72 barkushe sot dhe po ndihem si 35 vjeçar,” Silvio Berslusconi, kryetar i Milanit. 

“Unë dhe Nagatomo jemi shokë sepse nuk kuptojmë asgjë çka flasim me njëri-tjetrin. Për çka flasim? Për gjithçka, ushqimin, femrat. Prej mëngjesit deri në mbrëmje i tregojmë njëri-tjetrit se sa shokë të mirë jemi, sepse nuk kemi alternativë tjetër…” Antonio Cassano duke treguar miqësinë e tij me bashkëlojtarin japonez, Yuto Nagatomo.