Fantasy TopSporti
Të gjitha lajmet
Tabelat dhe Rezultatet

STËRVITJET E KOSOVËS

Stërvitja e fundit sot, nesër rrugëtimi për Zvicër

Foto: FFK

Stërvitja e fundit sot, nesër rrugëtimi për Zvicër


27 March, 2022 @7:39

Kombëtarja e Kosovës ka vijuar edhe të shtunën me përgatitjet për miqësoren e radhës kundër Zvicrës, që zhvillohet të martën në Cyrih.

Në stërvitjen e sotme përzgjedhësi Alain Giresse ka ndarë futbollistët në dy grupe, ku lojtarët që kanë qenë të angazhuar si titullarë në miqësoren ndaj Burkina Fasos kanë stërvitur pa ngarkesa të mëdha, derisa lojtarët e tjerë kanë punuar me intensitet të plotë.

Atmosfera brenda ekipit është shumë e mirë, pas asaj paraqitje të shkëlqyeshme në miqësoren e së mërkurës, teksa vërehet forma e mirë e futbollistëve të të gjitha reparteve.

Ndërkohë, tashmë për shkak të lëndimit të pësuar para ndeshjes së parë, Elbasan Rashani është rikthyer në Francë.

Stërvitjen e fundit para udhëtimit në Cyrih, Dardanët do ta zhvillojnë, të dielën, në orën 10:00 në stadiumin “Fadil Vokrri”, derisa të hënën në mëngjes udhëtojnë drejt Zvicrës.

Ndeshja Zvicra - Kosova luhet të martën më 29 mars me fillim prej orës 18:00.


 
Të gjitha lajmet nga Kosova