Super Shkëndija, eliminon Botosanin dhe i afrohet grupeve

Një gol i Besart Ibraimit në minutën e dytë të ndeshjes i ka mjaftuar Shkëndijës nga Tetova që ta fitojë ndeshjen ndaj Botosanit në Rumani, për të kaluar kështu në fazën tjetër të Europa League.

Edhe pse skuadra rumune llogaritej favorite, tetovarët zhvilluan një ndeshje mjaft të mirë dhe e arritën qëllimin, kualifikimin në rrethin e tretë eliminator të Europa Leagues, ku do të përballet me fituesin e duelit Lokomotiv Plovdiv vs. Tottenham.

Madje, Shkëndija për rreth 25 minuta ishte me një lojtar më pak në fushë, mirëpo rezistoi deri në fund dhe e fitoi ndeshjen me rezultatin përfundimtar 0-1.