QEMAL STAFA

Superkupa e Skënderbeut

18 August, 2014 @15:53

Ndeshja e Superkupës së Shqipërisë, i takoi kampionit, Skënderbeu. Korçarët mposhtën vlonjatët në ndeshjen e parë zyrtare para stinorit të ri të Superiores, me anë të golit të shënuar nga Bacary Nimaga.

Nimaga, shfrytëzoi një moskujdes të mbrojtjes së Flamurtarit pas goditjes nga këndi të Blendi Shkëmbit që shënoi golin e parë dhe vendimtar të ndeshjes - gol ky që i solli Kupën e parë dhe motivin para stinorit të ri Skënderbeut.

Flamurtari, përkundër se në pjesë të dytë angazhoi transferet e fundit si sulmuesin brazilian Gilberto, pastaj shkodranin Erjon Vuçaj, nuk arriti të bëj më shumë dhe të kalojë pengesën e portës korçare, Orges Shehi.

Kjo është Superkupa e dytë me radhë që Skënderbeu e çon në Korçë, derisa ka luajtur në katër finalet e fundit të saj.

Rekord fitues i Superkupës shqiptare është Tirana, 10 herë, derisa pas saj vinë: Dinamo Tirana, Vllaznia Shkodër, Flamurtari Vlorë dhe Skënderbeu Korçë - më nga dy trofe të tillë.

FAKT:

Superkupa e Shqipërisë, përkundër se pritet me padurim nga dy ekipet (kampioni Skënderbeu dhe fituesi i Kupës, Flamurtari) për shkak se është motiv i madh të fitohet para stinorit të ri, është Kupa e vetme që nuk ka asnjë vlerë për ekipin - përveç motivit parasezonal.

Kjo pasi që në rregulloret e FSHF-së përveç trofeut të Kupës dhe 30 medaljeve të arta për ekipin fitues, nuk parashikohet asnjë shpërblim tjetër financiar për ekipin, që është ndryshe prej titullit kampion dhe trofeut të Kupës.