Muriqi në Giresun

Sulmuesi prizrenas që këtë verë kaloi nga Kategoria Superiore e Shqipërisë në Superligën turke te Eskisehirspor, ka përfunduar si lojtar i ri i Giresunsporit në ligën e dytë profesionale të Turqisë. 

Lajmin e ka bërë të ditur vetë Muriqi, i cili ka njoftuar se ka nënshkruar kontratë dy vjeçare me ekipin, në llogarinë e tij personale të rrjetit social Facebook. 

Tanimë, Muriqi pritet t’i ndihmojë ekipit që sivjet është ngritur në ligën e dytë të Turqisë. 

Muriqi ia nisi karrierën në Liri të Prizrenit dhe pas disa odiseadave përfundoi në Giresun, ku ndeshjen e parë me ekipin e tij të ri pritet ta zhvillojë më 30 gusht në kuadër të xhiros së parë të PTT 1. Lig të Turqisë ndaj ekipit të njohur Samsunspor.