Të mërkuren përcaktohen finalistët

Tashmë kur janë qartësuar shumë gjëra në Superligë, të mërkurën me fillim nga ora 15e30 katër skuadra do të vazhdojnë luftën e mbetur për Kupë të Kosovës.

Llapi pret Prishtinën në Merdare, ku Prishtina ka kapital të madh para kësaj ndeshjeje pasi që takimin e parë e pat fituar 3-0 në Prishtinë.

Llapi duhet të bëj të pamundurën në këtë ndeshje për të arritur finalen e Kupës.

Në anën tjetër, Drita pret Trepçën’89 që është në formë. Mitrovicasit fituan duelin e parë 1-0. Drita do të mund të arrijë më lehtë në dukje finalen, por Trepça’89 është në formë të jashtëzakonshme në xhirot e fundit të Superligës dhe pritet të shihet ndeshje interesante.