Tetë finalet e Dembélés

Moussa Dembélé kaloi te Atletico Madrid në formë të huazimit nga Lyon në mërkaton e janarit për 1.5 milion euro.

Që nga arritja e tij në ekipin e Simeones, francezi nuk është se ka treguar formën e tij më të mirë. Atij i kanë mbetur edhe tetë ndeshje të tregojë vetën, në mënyrë që Atletico të paguajë klauzolën e tij prej 33.5 milion euro.

Ai u stërvit mirë të martën që të jetë së bashku me ekipin për ndeshjen e ardhshme kundër Eibar, por ata nuk dëshirojnë të nguten me vendime. Pasi që me 23 mars francezit në seancën stërvitore i ra të fikët, që nga ajo ditë stafi mjekësor i los colchoneros po tregohen më të kujdesshëm me të.

Fati nuk ishte në anën e Dembélé pasi kur arriti në ekipin e Simeones u infektua me virusin Covid-19, pasi e kaloi i ra të fikët në stërvitje.

Përkundër që deri më tani nuk ka arritur të gjejë formën e tij në Atletico, nuk duhet harruar që ai shënoi 24 gola sezonin e kaluar dhe 23 në atë të mëparshmin në Ligue 1.