LIDERI
Tjerët flasin, Ferronikeli fiton
1 March, 2015 @14:47
Lideri vjeshtor i Superligës, Ferronikeli, ka nisur pranverën me fitore, duke shënuar fitore me lojë të sigurtë ndaj kampionit në fuqi të Superligës, Kosovës së Vushtrrisë.
Dy gola të shënuar në pjesë të parë të ndeshjes nga Bujar Shabani dhe Përparim Livoreka kanë qenë të mjaftueshme për ekipin e Gani Sejdiut për të nisur pranverën me tre pikë të reja dhe për të vazhduar lidershipin.
Kosova e Vushtrrisë nuk arriti të bënte diçka më shumë në pjesë të dytë, derisa kah fundi i ndeshjes drenicakët mbetën me një lojtar më pak në fushë kur Xhevdet Shabani u ndëshkua me karton të kuq, për shkak të një fjalosjeje.
Ferronikeli kështu ka shënuar fitoren e tetë të stinorit duke ngritur kuotën e pikëve në 31.
