Tre ndarje nga Suhareka!

Në pasditen e sotme, tre futbollistë të Suharekës kanë publikuar njoftime se kanë mbyllur marrëveshjen me ekipin e tyre dhe tashmë janë lojtarë të lirë.

Vetëm dy ditë pas përfundimit të stinorit vjeshtor në Ligën e Parë, futbollistët e poshtëshënuar janë përshëndetur me Suharekën, ndërsa kanë bërë të ditur se janë të lirë për të shqyrtuar ofertat në vijim.

Qendërmbrojtësi Dardan Jashari, që në stinorin e kaluar ishte ndër mbrojtësit kryesorë të Lirisë në rruëgtimin e tyre drejt Superligës, Roni Gashi, mesfushor qendror që luajti për Flamurtarin para se të kalonte te Suhareka si dhe sulmuesi i krahut Leart Emini - të tre këta kanë bërë të ditur se më nuk janë pjesë e FC Suhareka.

Skudara e FC Suhareka përndryshe ka mbyllur vjeshtën në Ligë të Parë - Grupi A, në vend të dytë dhe është me gjasa të mira për të konkurruar Superligën këtë stinor.