Trepça’89 emëron fushën sintetike “Erion Kajtazi”

Skuadra e Trepçës’89 sot përmes një ceremonie rasti, ka emëruar fushën e saj sintetike të futbollit, Erion Kajtazi. Fusha që gjendet afër liqenit është emëruar me emrin e futbollistit të talentuar që ndërroi jetë papritmas në fushë javë më parë.

Në ceremoni përveç bashkëlojtarëve dhe ekipeve, kanë qenë pjesëmarrës edhe zyrtarë të Komunës dhe të Federatës së Futbollit, ndërsa emri i Erion Kajtazit do të mbahet përherë në mend.