GAME 2: WARRIORS - ROCKETS
Udhëtojnë në Teksas me 2-0
1 May, 2019 @10:47
Kampioni aktual i NBA-së, Golden State Warriors, duke e mposhtur Houston Rocketsin edhe në ndeshjen e dytë, kaloi 2-0 në epërsi në serinë gjysmëfinale të Konferencës Perëndimore.
Djelmoshat e trajnerit Steve Kerr, që nga fillimi e deri në fund nuk ishin në disavantazh asnjëherë dhe kështu e mposhtën kundërshtarin me rezultat 115-109.
Shkëlqimi i Kevin Durantit në Play Off, vazhdoi edhe në këtë ndeshje. Durant luajti me 29 pikë, kurse mori ndihmë nga Klay Thompson me 21 pikë dhe nga Stephen Curry me 20 pikë të tjera.
Në anën tjetër, James Harden gjatë ndeshjes e lëndoi syrin, i cili i shkaktoi probleme gjatë gjithë ndeshjes, por megjithatë ai u bë koshashënuesi më i mirë i skuadrës me 29 pikë.
Tani seria do të bartet në “Toyota Center” të Houstonit. Ndeshja e tretë e serisë do të luhet më 5 maj në ora 02:30.
