MYSAFIRËT FITOJNË1
Ulpiana përmbys Ramiz Sadikun, del në krye sot
30 September, 2023 @19:56
Skuadra e Ulpianës me fitore të arritur në fund të ndeshjes ka marrë kreun e Ligës së Parë - Grupi B. Ramiz Sadiku doli i pari në epërsi, por ekipi i Emin Bajramit ka arritur të barazojë para fundit të pjesës së parë, ndërsa kur afrohej fundi i duelit, zëvendësuesi Ajeti shënoi për fitore, Ramiz Sadiku 1-2 Ulpiana [Taulant Haliti 32’ - Emini 41’, Ajeti 88’].
Ulpiana tash ka 15 pikë pas 6 ndeshjesh dhe është momentalisht në krye të Ligës së Parë - Grupi B, ndërsa Ramiz Sadiku me 7 pikë mbetet i gjashti në renditje. Xhiron që vjen, Ulpiana pret Ferizajin, ndërsa Ramiz Sadiku shkon te Vjosa.
