Vëllaznimi pyet, Gjakovë a je gati?

Pas një vere të qetë, skuadra e Vëllaznimit të Gjakovës ka dalë sot me një njoftim në Facebook, ku ka pyetur qytetin nëse është gati apo jo!

“Gjakovë a jeni gati, apo jo,” ka shkruar fillimi i njoftimit të Vëllaznimit, që ka bërë të ditur se në stinorin e ri do të ketë përforcime në skuadër dhe ka ftuar tifozët që të vinë në numër sa më të madh, pasi që tashmë për 5 vitet e fundit klubi ka hyrjen falas për adhurues të basketbollit në qytet.

Vëllaznimi në stinorin e kaluar ka qenë shumë afër të arrijë në Superligë, por humbi në finale të playoffit të Ligës së Parë nga Feronikeli. Më pas, luajti edhe ndeshjet e PlayOutit ndaj Lipjanit, ku gjithashtu s’arriti inkuadrimin në elitë.

Gjithsesi, deri në nisje të stinorit mund të ndodh gjithçka, dhe nëse ndonjëri prej ekipeve të Superligës nuk arrin të konsolidohet, gjakovarët me një wildcard mund të kyqen në elitë!