Veseli transferohet në Serie A

Futbollisti i kombëtares shqiptare, Frederik Veseli, në stinorin e ri do të luajë për skuadrën nga Serie A, Empoli.

Mbrojtësi ka nënshkruar kontratë dy vjeçare me skuadrën italiane, duke i dhënë fund kështu aventurës së tij të deritashme te skuadra zvicerane, Lugano.

Në kontratën e Veselit me Empolin është përfshirë edhe klauzola e zgjatjes për dy vite të tjera.

Frederik Veseli ka qenë njëri prej 23 futbollistëve të zgjedhur nga Gianni De Biasi në kombëtaren shqiptare për Kampionatin e sivjetëm Europian.