DITA E DEBUTIMIT
Feniksi debuton sot në UEFA Futsal Cup
17 August, 2016 @10:55
Futbollistët e ekipit kampion të Kosovës në futsall, Feniks, do të debutojnë sot në gara ndërkombëtare.
Ekipi kosovar nga Drenasi sot ndeshet me ekipin anglez, Oxford, në ndeshjen që nis në ora 18.
Feniksi gjendet në Grupin H preliminar të UEFA Futsal Cup dhe do të kërkojë kualifikimin në duele ndaj Encamp (AND), Oxford (ANG) dhe Tel Aviv Owl (IZR).
Të gjitha ndeshjet e Grupit H do të zhvillohen në Andorrë duke filluar nga sot deri më 20 gusht, kur pritet të përcaktohen edhe të kualifikuarit.
Nëse Feniksi kalon raundin prelimnar, që e ka synim, atëherë do të vjen raundi kryesor kualifikues dhe në fund raundi elit i futsallit europian.
Feniksi për debutimin e garave ndërkombëtare ka angazhuar trajnerin e njohur prizrenas Arben Simitçiu, që është shumë i njohur me ekipin e tij Benago në futsallin çek.
