Sosa kalon në Milano

Përmes një konfirmimi zyrtar, klubi i Milanos ka njoftuar opinionin me përforcimin më të ri. Klubi rossoner ka angazhuar në radhët e veta mesfushorin argjentinas, Jose Sosa.

Sosa sezonin që lamë pas e kaloi tek Besiktasi në Turqi, ndërsa më parë kishte qenë pjesë e skuadrave të njohura si Atletico Madrid, Napoli e Bayern Munchen.

Sosa raportohet të ketë qenë objektiv i Milanit që nga fillimi i merkatos, ndërsa po ashtu duket se ky nuk do të jetë përforcimi i fundit i rossonerëve për këtë verë, të cilët pas investimeve kineze duket se kanë më shumë buxhet për transferime në dispozicion.