Vetëm kampionët t’i mënjanojmë

Lorik Cana, futbollist i Nantesit dhe kapiten i kombëtares shqiptare në futboll, në një prononcim për radio RMC në Francë ka thënë se do të dëshironte që të mënjanonte Spanjën si bartëse të grupit për EURO 2016 nga shorti. 

“Po të kisha mundësi, do ta hiqja vetëm Spanjën si opcion. Sa i përket dëshirës, Anglia, Gjermania, por edhe Italia nëse na qëllojnë në grup, nuk ka problem,” ka thënë ai. 

Spanja është kampione aktuale e Europës në futboll. 

Shqipëria është kualifikuar për herë të parë në një turne madhor të futbollit, duke përfunduar si e dyta në Grupin I kualifikues për EURO 2016. 

Shqipëria bën pjesë në vazon e katërt të shortit që do të tërhiqet të shtunën.