PARA DUELIT NË ELBASAN
Skënderbeu, nuk kalohet lehtë
9 December, 2015 @12:45
Tekniku i Lokomotivës së Moskës, është treguar i matur para përballjes së nesërme ndaj Skënderbeut në Elbasan Arena, në kuadër të ndeshjes së fundit të Grupit H të Europa League.
Ai ka thënë se Skënderbeu është ekip i fortë përkundër se tashmë është eliminuar nga gara dhe këtë e kanë treguar duke e mposhtur Sportingun, por edhe në ndeshje ndaj tyre të zhvilluar në Moskë.
“Ne po përgatitemi, por e dimë se nuk do të jetë lehtë, pasi që Skënderbeu është ekip luftarak. Ne kërkojmë fitoren natyrisht, por para ndeshjes do të analizojmë edhe njëherë kundërshtarin,” ka thënë Igor Cherevchenko, trajner i ekipit rus për mediat tiranase.
Skënderbeu është eliminuar nga faza grupore e Europa League, derisa në vitin debutues në këtë garë për një ekip shqiptar besohet të ketë arritur sukses të madh duke shënuar golin e parë dhe fitoren e parë.
Ndeshjet e fundit, të enjten:
| Skënderbeu - Lokomotiv M | |||
| Sporting L - Besiktas |
TABELA AKTUALE E GRUPIT H:
| 1 | Besiktas TUR | 9 pikë | ||
| 2 | Lokomotiv RUS | 8 pikë | ||
| 3 | Sporting POR | 7 pikë | ||
| 4 | Skënderbeu SHQ | 3 pikë |
