Vendimi i referit na eliminoi

Manchester United po vazhdon të lëngojë nën drejtimin e Louis Van Gaalit dhe tanimë kritikat e gjithë opinionit britanik lidhur me lojën e tij që po aplikohen me ekipin po vërtetohen. 

United u eliminua nga faza grupore e Ligës së Kampionëve, derisa Van Gaal fajin kryesor ia ka vënë referit të ndeshjes. 

“Rezultati është vështirë i kuptueshëm. Jam i lumutur që shënuam gol dhe nuk jam i lumtur që pranuam gol shpejtë. Duhet të analizoj se çka po ndodh,” ka thënë trajneri holandez në fjalë pas ndeshjes shkruan BBC. 

“Më duhet të them gjithashtu se nuk kemi qenë me fat sot në ndeshje, me vendimin e referit, edhe në ndeshjen e parë. Kur grupi është i barabartë si ky i yni, çdo vendim mund të vendos nëse kualifikohesh ose jo,” ka shtuar ai ndër të tjera. 

Manchester United ka përfunduar Grupin B të Ligës së Kampionëve në vend të tretë, duke mbetur vetëm për Europa League, derisa Wolfsburg ka dalë si lider, e PSV Eindhovën si përcjellës në fazën pranverore të Champions League. 

Louis Van Gaal ankesën në referim e ka vënë për shkak të golit të anuluar si ofsajd të Jesse Lingardit në fund të pjesës së parë.