VITIA 2-1 FUSHË KOSOVA
Vitia del nga fundi me fitoren e sotme
20 October, 2021 @15:40
Skuadra e Vitisë ka shfrytëzuar maksimalisht rastin e sotëm dhe me fitore ndaj rivalit direkt në pjesë të poshtme të tabelës, ka dalë nga fundi i renditjes tabelare në Ligë të Parë Grupi B.
Vitia ka fituar ndaj Fushë Kosovës si vendas 2-1 [n.n. - Valmir Kutllovci] dhe kështu ka regjistruar fitoren e dytë të stinorit duke arritur që të lë pas Kikën, që barazoi në shtëpi sot me Ramiz Sadikun, 0-0.
Kështu, me ndeshjen e sotme Vitia mund të ketë qartë se do të duhet të luftojë shumë për mbijetesë në Ligë të Parë, pasi që pjesën e parë të stinorit aty e përfundon në pozitë të parafundit, me vetëm një pikë mbi atë të fundit, Kikën. Fushë Kosova në anën tjetër, është një pozitë më lartë, në rrezik gjithashtu.
