GAME 4: SPURS - WARRIORS
Foto: nba.com
Vjen fitorja e nderit nga Spurs
23 April, 2018 @9:55
San Antonio Spurs, duke e mposhtur kampionin aktual, Golden State Warriors, me rezultat 103-90, arriti fitoren e parë në seri.
Gjatë tërë ndeshjes, Spursat ishin në epërsi dhe nuk lejuan asnjëherë që Warriorsat të kalojnë në epërsi.
LaMarcus Aldridge ishte koshashënuesi më i mirë te Spursi me 22 pikë e 10 kërcime, derisa 40 vjeçari, Manu Ginobili, duke shënuar në momente kritike, luajti rol të rëndësishëm në fitoren e skuadrës së tij.
Në anën tjetër, Kevin Durant shkëlqeu me 34 pikë e 13 kërcime, por nuk mjaftoi për fitore.
San Antonio është duke luajtur pa super yllin Kawhi Leonard, pikërisht për këtë arsye rezultati në seri është 3-1 në favor të Warriorsave, që gjithashtu edhe ata janë duke luajtur pa super yllin e tyre Stephen Curry, që po mungojnë për shkak të lëndimeve.
