Xhaka përjashtohet, Mustafi shënon, Sanchezi vendos

Pas një pjesë të parë shumë të qetë, një pjesë e dytë fenomenale u zhvillua sot në ‘Emirates Stadium’, e protagonistë të ndeshjes padyshim që ishin edhe dyshja shqiptare e Arsenalit, Shkodran Mustafi e Granit Xhaka.

Ishte fillimisht qendërmbrojtësi nga Gostivari që shënoi golin e epërsisë për londinezët, gol i cili ishte i pari për të në Premier League. Pak minuta pas golit, me karton të kuq direkt u përjashtua Granit Xhaka, për të cilin ishte kartoni i kuq i dytë direkt në Premier League sivjet, që nënkupton suspendim me 4 ndeshje moslojë.

Inferioriteti numerik i Arsenalit ra në sy menjëherë, me mysafirët që shënuan golin e barazimit në 90+3’ nga pika e bardhë. E kur u mendua se Arsenali do të lëshonte pikë, një penallti u fitua në minutën e tetë të shtesës. Nga pika e bardhë nuk gaboi Alexis Sanchez, për t’i dhuruar vendasve 3 pikë shumë të rëndësishme, marrë parasysh edhe gabimet e kundërshtarëve këtë xhiro.

TABELA AKTUALE PREMIER LEAGUE

All Goals & Highlights HD - Arsenal 2-1 Burnley… by livee-football1