Xhaka shënon, Arsenali e Liverpooli barazojnë

Siç ka ndodhur shumë herë në takimet mes tyre, edhe sonte Arsenali e Liverpooli dhuruan një takim mjaft të bukur për futbolldashësit, takim ky që në fund u mbyll pa fitues.

Pjesa e parë kaloi me Liverpoolin më dominues dhe u mbyll 0-1, ndërsa me të filluar pjesa e dytë skuadra nga Merseyside e dyfishoi epërsinë me golin e egjiptianit Salah, për të cilin ky ishte goli numër 21 i sezonit, mirëpo reagimi i Arsenalit erdhi shumë shpejt.

Londinezët shënuan 3 herë brenda 5-6 minutave dhe e rikthyen epërsinë në anën e tyre për disa minuta, para se Roberto Firmino të barazonte për 3-3, rezultat me të cilin u mbyll ndeshja.

TABELA AKTUALE PREMIER LEAGUE

Një nga 3 golat e shënuar për Arsenalin erdhi nga Granit Xhaka, i cili e shënoi golin e parë sezonal. Përveç Xhakës, minutazh sonte iu dhurua edhe Shkodran Mustafit, i cili u inkuadrua në lojë në pjesën e dytë.