FLET GRANIT XHAKA
Xhaka: S’ka qenë befasi
25 November, 2015 @23:08
Kapiteni dhe njeriu kryesor i mesfushës së Borussia Monchengladbachut, Granit Xhaka, pas fitores ndaj Sevillës sonte ka thënë se 3 pikëshi i ekipit të tij nuk ka qenë befasi.
“Fitorja nuk ka qenë befasi. Ne e kemi parasysh cilësinë e Sevillës. Por sot, ne kemi qenë më të mirë dhe e kemi merituar plotësisht fitoren,” ka thënë Xhaka për uefa.com.
Xhaka ka asistuar në golin e parë të ekipit të tij, ndërsa kjo ka qenë fitorja e parë e Gladbachut në Grupin D të Ligës së Kampionëve.
Xhaka me ekipin do të luftojnë për një vend që dërgon në Europa League në xhiron e fundit.
