LEICESTER - UNITED
Zlatan 20, United gjen fitoren
5 February, 2017 @18:57
Pas 3 barazimeve radhazi në Premier League, Manchester United i është rikthyer fitoreve në takimin e luajtur ndaj Leicester Cityt.
Me 2 gola ‘ekspres’ nga Ibrahimovic dhe Mkhitaryan në fundin e pjesës së parë, United i dha një goditje të parikuperueshme kampionit në fuqi, e më pas edhe Mata e gjeti golin në pjesën e dytë dhe takimi u mbyll me shifrat 0-3.
Kjo fitore bën që United tashmë të jetë i pamposhtur në 15 ndeshjet e fundit në Premier League, ecuria më e gjatë momentale nga të gjitha skuadrat e top5 ligave evropiane, ndërsa fitorja e sotme gjithashtu e afron klubin nga ‘Old Trafford’ në vetëm 2 pikë me vendin e katërt, kur kanë mbetur edhe 14 ndeshje deri në fund.
Sa i përket suedezit Ibrahimovic, ky ishte goli i tij i 15 në Premier League dhe i 20-ti në të gjitha garat.
Leicester City vs Manchester United 0-3 All… by meteoalex1
