ZVICRA GARANTON 1/8 E FINALES
Foto: fifa.com
Zvicra, vendi i parë nga pozitat e treta që siguron TOP16
22 June, 2021 @0:32
Zvicra ka siguruar të tetën e finales në EURO 2020 pasi që ka përfunduar në pozitën e tretë në Grupin A me 4 pikë.
Krejt kjo u konfirmua të hënën mbrëma, pasi që skuadrat në pozitat e treta të Grupit B dhe Grupit C, kanë vetëm 3 pikë.
TABELA AKTUALE dhe ORARI I NDESHJEVE
E në lojë janë edhe tri grupe tjera, D, E dhe F, prandaj Zvicra hyn në 4 ekipet më të mira të vendeve të treta në grupe dhe kështu siguron pjesëmarrjen në TOP 16 të garës.
Kur të përfundojnë përballjet e të gjitha grupeve, Zvicra do të mësojë kundërshtarin e së tetës së finales, që për momentin mund të jetë Belgjika ose fituesi i Grupit F ku garojnë Franca, Gjermania, Portugalia e Hungaria.
