Belgjika fiton grupin, Finlanda në pritje

Debutuesit në gara ndërkombëtare, Finlanda, ka pësuar nga Belgjika sonte 0-2 në St Petersburg, mirëpo të përzgjedhurit e Markku Kanervas ende kanë shpresa për kualifikim pasi që kanë përfunduar Grupin B në pozitën e tretë.

Ata duhet të presin rezultatet përfundimtare nga të gjitha grupet, për të parë nëse do të sigurojnë kualifikimin në garën debutuese të tyre në EURO2020.

TABELA AKTUALE dhe ORARI I NDESHJEVE

E Belgjika, që nisi ngadalë ndeshjen me kohë shtoi presionin për të lodhur finlandezët dhe goditi në 16 minutat e fundit të ndeshjes për fitore 0-2 [Hradecky 74ag., Lukaku 81].

Trajneri i belgëve, Roberto Martinez, ka përdorur disa lojtarë që zakonisht nuk kanë vend në 11-she, ndërsa ka bërë 4 zëvendësime për t’i dhënë rastin edhe lojtarëve si Batshuayi e Benteke për të shijuar EUROn.

Finlanda përkundër luftës së treguar dhe organizimit të mirë, ra pre e cilësisë në fund për të pësuar. Nordikët përfundojnë në pozitë të tretë Grupin B dhe ende mbajnë gjallë shpresat për kualifikim, derisa Belgjika perfekte me 3 fitore nga 3 ndeshje përfundon grupin si lidere, duke pritur kundërshtarin e së tetës së finales.