Fitore ndaj Ukrainës, Austria në 1/8 e finales

Në ndeshjen vendimtare për vendin e dytë të grupit C, Austria ka arritur ta mposhtë Ukrainën me rezultat 0-1, për ta arritur kështu vendin e dytë të grupit dhe kualifikimin në 1/8 e finales. Kjo është hera e parë që Austria arrin t’i kalojë grupet në një garë madhore.

Vendimtar në fitoren e austriakëve ishte goli i shënuar nga mesfushori i Hoffenheimit, Christian Baugartner, i cili shënoi në minutën e 21’ pas asistimit nga David Alaba.

GRUPET EURO2020

Epërsinë e krijuar nga goli i Baumgartner, Austria e ruajti deri në fund dhe kështu e mbylli ndeshjen me fitore.

Kështu, Holanda dhe Austria kualifikohen nga grupi C në 1/8 e finales, kurse Ukraina me 3 pikë mbetet në pritje të rezultateve tjera, pasi që ende ka gjasa t’i kalojë grupet si njëri prej 4 vendeve të treta më të mira. Maqedonia Veriore mbetet e fundit në këtë grup pa asnjë pikë.