Brilanca daneze shpërblehet në fund

Danimarka ka treguar një performancë të shkëlqyeshme në përballjen e fundit grupore në Grupin B, për të siguruar të tetën e finales së EURO 2020.

Danimarka e drejtuar nga Kasper Hjumland, që nisi përballjen ndaj Belgjikës në xhiron e kaluar në mënyrë fantastike dhe u nda me humbje nga loja, kësaj radhe nuk ka lënë vend për gabime, duke e shkelur Rusinë për triumfin 1-4 [Dzyuba 70p. - Damsgaard 38, Poulsen 59, Christensen 79, Maehle 82].

TABELA AKTUALE dhe ORARI I NDESHJEVE

Kjo fitore e thellë e Danimarkës ka eliminuar Rusinë, përkundër që ata shënuan fitore ndaj Finlandës në përballjen e shkuar.

Pas epërsisë me golin fantastik të Mikkel Damsgaardit në minutën e 38 të ndeshjes, në pjesë të dytë Danimarka ka vazhduar dominimin dhe aty ka shënuar tri herë për tu katapultuar në pozitë të dytë të renditjes së Grupit B dhe kështu duke siguruar vendin në TOP 16 të EURO2020.

Rusia në anën tjetër, pos golit të Artem Dzyubas nga penalltia, nuk ka arritur më tepër dhe kështu është përshëndetur nga gara.