MEDIA

Foto: Sky Sports

10 sulmues drejt Premier Ligës

17 May, 2016 @15:02

Tabloidi britanik Sky Sports ka renditur 10 sulmues të cilët mund të transferohen në Premier League këtë verë:

1. Zlatan Ibrahimoviç

Suedezi 34 vjeçar e ka konfirmuar largimin e tij nga Parisi. Skuadra e tij e ardhshme do të dihet shumë shpejt. Interesim ka edhe nga liga amerikane e futbollit, mirëpo nëse Mourinho shkon tek United, Zlatan shumë lehtë mund të përfundojë në ‘Old Trafford’.

2. Michy Batshuayi

22 vjeçari i talentuar ka kaluar dy sezone fantastike, fillimisht me Standard Liegen dhe pastaj me Marseillen në ligën franceze, ku shënoi 21 gola. Burime të Sky Sports raportojnë që belgu është në listën e transferimeve të skuadrës së West Ham United.

3. Alvaro Morata

Paraqitjet e mira me Juventusin për dy sezone radhazi kanë bërë që interesimi i tij të shtohet gjithnjë e më tepër. Liverpool, Arsenal dhe Manchester United janë skuadrat e interesuara.

4. Alexandre Lacazette

Në sezonin 2014/2015 ishte golashënuesi më i mirë në Francë, një arritje për t’u marrë parasysh duke kujtuar që për kundërshtar ka skuadrën e Parisit. Këtë sezon Lacazette pati probleme me lëndime, mirëpo u rikthye në 10 ndeshjet e fundit, duke shënuar 11 gola. West Ham janë seriozisht të interesuar për të.

5. Lucas Perez

27 vjeçari ka shënuar 17 gola këtë sezon për skuadrën e Deportivo La Corunas. Leicesteri duket se është shumë pranë transferimit të tij.

6. Antoine Griezmann

Padyshim një nga faktorët kryesorë për suksesin e Atleticos këtë sezon. Mbi 30 gola të shënuara dhe shumë të tjerë të asistuar. Për francezin janë të interesuar Manchester United dhe Chelsea.

7. Gonzalo Higuain

36 gola në 35 ndeshje këtë sezon. 28 vjeçari kaloi një super sezon dhe kjo ka tërhequr vëmendjen e Arsene Wenger, i cili po kërkon ta përforcojë fazën e tretë të skuadrës së tij.

8. Pierre-Emerick Aubameyang

Vetëm Lewandowski ka shënuar gola më tepër se Aubameyang në Bundesligë këtë sezon. Lojtari në fjalë mund të jetë pjesë e Liverpoolit apo Chelseat sezonin e ardhshëm.

9. Edinson Cavani

Uruguajani nuk është i kënaqur me minutazhin e tij tek Parisi. Largimi i Ibras mund t’i dhurojë më shumë hapësirë sezonin e ardhshëm, nëse Cavani nuk largohet nga Parisi këtë sezon, duke marrë parasysh interesimin serioz të Unitedit dhe Cityt për të.